Administrata tatimore nuk do të bëjë 5 ditë pushim si gjithë pjesa tjetër e administratës shtetërore. Urdhëri është dhënë pasditen e djeshme nga zv/drejtori i Përgjithshëm i Tatimeve, Xhavit Curi. Përmes një e-mail Curi u drejtohet drejtorëve rajonalë të qendrojnë në punë gjatë ditës së premte, 30 nëntor, duke thyer kështu Vendimin e Këshillit të Ministrave për ditët e pushimit.
Zv/drejtori thotë se plani i të ardhurave për muajin nëntor nuk është realizuar, e për rrjedhojë stafi që merret me të ardhurat tatimore duhet të dalë në punë ditën e premte. “Të merren masat për realizimin e planit në masën 100 për qind”, urdhëron numri II i Tatimeve në vend.
Opinion.al ka siguruar email-in që ka nisur Xhavit Curri për administratën tatimore. Duket se në dijeni është vendosur drejtoresha e pergjithshme Vjero dhe drejtoret rajonale.
