Dr. Luan Dragusha nuk do të largohet nga Shqipëria siç u aludua në media, marrë shkas nga një status i tij në facebook. Opinion.al kontaktoi me doktorin e njohur të Shkodrës, dhe mësoi se ai do të vijojë të punojë në Shkodër dhe Tiranë paralelisht.
“Nuk do të largohem nga Shqipëria por do të largohem nga sistemi shtetëror. Nga Janari do të shërbej në një klinikë të vogël në Shkodër si dhe në një spital privat në Tiranë”, tha kardio-kirurgu i njohur, për Opinion.al.
Luan Dragusha u kthye nga SHBA dhe krijoi repartin e Hemodinamikës në Shkodër duke ju ardhur në ndihmë qindra pacienteve që kishin nevojë për stenda, koronare, etj. Në shtator të këtij viti në mënyrë të beftë prokuroria lëshoi disa urdhër-arreste për mjekët e Shkodrës mes tyre edhe dr. Luani, duke i akuzuar se kishin porositur më shumë material mjekësore se sa i nevojiteshin spitalit.
Ai u lirua nga gjykata brenda dy ditëve, por duket se kjo situatë ka patur ndikim në vendimin e doktorit, shto këtu edhe klimën jo të mirë të punës në spitalin publik të Shkodrës.
/Riviera Dedaj-Opinion.al
