Bordi Mjekësor i Kalifornisë vendosi pezullimin e licencsës së një mjeku që rekomandoi biskota me marihuanë për një 5-vjeçar.
Sipas “Huffingtonpost” mjeku alternativ në Los Angeles, Dr. William Eidelman, sugjeroi ëmbëlsirat e mbushura me marianë, pasi diagnostikoi vogëlushin me çrregullim bipolar dhe hiperaktivitetit pas një takimi të vetëm 30 minutash me djalin dhe babain e tij.
Bordi lëshoi një urdhër për revokimin e licencës mjekësore të mjekut në fillim të këtij muaji, pasi përcaktimi i diagnozës ishte i nxituar dhe “tepër neglizhent” dhe sepse u bë “pa baza dhe pa hulumtime”.
Bordi vuri në dukje në vendimin e tij se Eidelman nuk ka diagnostifikuar fëmijën por është bazuar vetëm në atë që tha babai i tij dhe në faktin se të paktën një anëtar tjetër i familjes vuante nga çrregullimi bipolar. Ata ishin gjithashtu kundër idesë që ti jepet mariuanë një 5 vjeçari.
Ishte babai ai që i dha djalit të tij biskotat, dhe besonte vërtetë se ato kishin një ndikim pozitiv tek ai. Në gjurmët e biskotave “çudibërëse” ra infermierja e shkollës, e cila njoftoi autoritet lokale.
Kjo nuk është hera e parë që Eidelman është përplasur me bordin mjekësor. Ai u vu në provë mjekësore në vitin 2004 kur bordi zbuloi se ai kishte lëshuar rekomandime për marihuanë për policët e inflitruar pa asnjë arsye të ligjshme mjekësore./E.M
