“Doja vetëm ta trembja, jo ta vrisja”. Një ditë pasi kreu krimin e rëndë duke qëlluar më sëpatë në kokë babain e tij, Arjan Shaha ka dhënë dëshminë e parë për ngjarjen para oficerëve të Policisë Gjyqësore në Gjirokastër.
Në prani të një avokati të caktuar nga shteti, 35-vjeçari tha para oficereve se sherri kishte nisur si pasojë e ngacmimeve të vazhdueshme të babait të tij Iljaz Shaha për një lidhje intime që kishte.
Arjan Shaha rrëfeu se babai i kishte kërkuar që të hiqte dorë nga kjo lidhje intime pas këmbënguljes që kishin bërë prindërit e vajzës. 35-vjeçari iu tha oficereve, se shqetësimeve të babait për këtë temë ai ishte përgjigjur duke i thënë që të mos e hapte më këtë diskutim, pasi ai e dinte vete se çfarë bënte.
Të hënën teksa dolën të dy për të kullotur bagëtitë në fshatin Shalës të Memaliajt, 77-vjecari Iljaz Shaha e kishte rihapur sërish diskutimin ndaj të birit për lidhjen intime.
Kjo e ka acaruar së tepërmi 35-vjecarin, i cili në gjaknxehtësi e sipër dhe pas një debate verbal, ka marrë sëpatën dhe e ka goditur në kokë.
Pas ngjarjes Arjan Shaha shkoi në shtëpi të marrë disa para dhe tentoi të largohej drejt Tiranës por u kap në furgon./ Opinion.al
