Gjatë takimit në një fabrikë që prodhonte vaj ulliri në Memaliaj, kryeministri Rama ka hasur në dëshminë e një qytetari, i cili rrëfeu se kishte pasur një problem me ish-kreun e bashkisë së Tiranës, Lulzim Basha kur ishte në detyrë.
Sipas qytetarit, Basha, ishte sjellë shumë keq me të për një kompensim që i takonte, duke i thënë se këtë do ta marrësh vetëm kur të kthehet Rama në bashki.
“Nuk më jepte lekët. U soll keq me mua, nuk donte të m’i jepte. Më tha kur të vij prapë Edi Rama në Bashkinë e Tiranës do t’i marrësh ato lekë. Më quajti komunist dhe u soll keq. Më erdhi keq për gocën, se sa kishte filluar punë pedagoge dhe s’doja t’i prishja punë, por do ia kisha veshur me shpullë surratit”, tregoi qytetari, duke shtuar se vetëm pas 5 vitesh i kishte marrë ato para që i takonin”, tregon qytetari.
Ndërkohë që kryeministri, nuk e la rastin pa shfrytëzuar duke ironizuar sërish ish-kreun e PD.
“O Lul, po ç’ke bërë kështu, edhe këtë e ke bërë? Ke bërë dhe nga këto? Jo se ato faqet e tua na duhen! Qenka dhe mistrec! E Lul të shkuara të harruara. Po ku i çove lekët mo Lul?!”, tha mes të tjerash Rama.
