Është zbardhur ngjarja e ndodhur ditën e sotme në Drejtorinë Arsimore Fier.
Policia ka njoftuar se kjo ngjarje ka qenë e qëllimshme, ndërkohë që është arrestuar autori.
Bëhet me dije se është shoqëruar në Komisariatin e Policisë Fier autori i identifikuar me inicialet I. A., 33 vjeç, banues në Fier. Mësohet se ngjarja ka ndodhur për motive të dobëta, ndërkohë që autori ka spërkatur fillimisht me lëndë djegëse ambientin e Drejtorisë Arsimore dhe më pas i ka vënë flakën.
“Menjëherë pas marrjes së njoftimit, shërbimet e Komisariatit të Policisë Fier, falë punës së mirëorganizuar dhe veprimeve të shpejta profesionale, bënë të mundur zbardhjen e ngjarjes, identifikimin dhe kapjen në kohë rekord të autorit të kësaj ngjarje, i cili për motive të dobëta, i ka vënë zjarrin katit të dytë të DAR Fier duke e spërkatur fillimisht me lëndë djegëse (benzinë).”- thotë ndër të tjera njoftimi i policisë. /Opinion.al
