Policia e Sarandës arrestoi ditën e sotme shtetasin Janaq Xega (46) banues në fshatin Xarrë të Konispolit, pasi ishte në kërkim që nga maji i vitit 2017.
Xega po punonte në ndërtimin e një banese kur u vu në pranga nga Policia.
Në momentin e arrestimit ai u shpreh shumë i habitur që ishte shpallur në kërkim dhe jo vetëm kaq, por ishte dënuar nga Gjykata e Shkallës së Parë Sarandë, me 2 vite e 10 muaj burgim për veprën penale “Plagosje e rëndë me dashje”.
Xega kishte qenë në shtëpinë e shtetasit Pilo Pando (60) kur gjatë një debati për motive të dobëta, kishte tentuar ta digjte me benzinë.
Ai fillimisht u arrestua por më pas u la për tu hetuar në gjendje të lirë.
Edhe pse fillimisht u hetua për plagosje të lehtë, akuza ndryshoi pas raportit mjeko-ligjor që përcaktoi akuzën “Plagosje e rëndë me dashje”
Shkaku i sherrit ka qenë një tokë e pretenduar nga të dy palët.
Xega i ka hedhur benzinë në këmbë shtetasit Pilo Pando dhe më pas i ka vënë zjarrin./ Dl/ Opinion.al
