Dy persona janë proceduar penalisht nga Policia e Durrësit pasi kanë ndotur ajrin duke djegur mbeturina.
Policia njofton se të proceduarit janë identifikuar me inicialet B. A., 51 vjeç dhe K. T., 56 vjeç, banues në Ishull dhe Kull. Të dy këta persona, kanë djegur mbeturina të ndryshme tek Gjiri i Lalëzit, duke shkaktuar ndotje të ajrit.
Materialet i kaluan Prokurorisë së Rrethit Gjyqësor Durrës, për veprime të mëtejshme, për veprën penale “Ndotja e ajrit”.
Njoftimi i policisë:
Manzë/Durrës-Vijojnë operacionet kundër krimeve mjedisore. Ndotën ajrin duke djegur mbeturina, procedohen penalisht 2 shtetas. Në vijim të kontrolleve të vazhdueshme për parandalimin e krimeve mjedisore, specialistët e Stacionit të Policisë Manzë proceduan në gjendje të lirë shtetasit: B. A., 51 vjeç dhe K. T., 56 vjeç, banues në Ishull dhe Kullë, pasi, tek Gjiri i Lalëzit, kanë djegur mbeturina të ndryshme, duke shkaktuar ndotje të ajrit. Materialet i kaluan Prokurorisë së Rrethit Gjyqësor Durrës, për veprime të mëtejshme, për veprën penale “Ndotja e ajrit”./ Opinion.al
