“Ata do t’i mundim përsëri, edhe juve bashkë me ata, do t’ju mundim prapë, më thellë dhe ato dy siglat do t’i çojmë për skrap”,-kështu iu drejtua kryeministri Edi Rama gjatë fjalimit të tij deputetëve të opozitës që ndodheshin në sallën e Kuvendit ditën e sotme.
Rama dha në këtë mënyrë një paralajmërim dhe për ish-deputetët e opozitës të cilët ditën e sotme protestonin para Kuvendit.
LEXO EDHE: Nuk përsëritet më marrëveshja e vitit 2017, Rama: PD-LSI i çojmë për skrap
Ndërkohë, deklaratës së Ramës i është kundërpërgjigjur ish-kryeministri Sali Berisha. Ai e ka cilësuar deklaratën e kryeministrit si një thirrje për luftë.
Berisha shprehet se Rama nuk mund të cojë për skrap logon e Partisë Demokratike e cila rrëzoi sistemin më të egër të diktaturës në Ballkan.
“Deklarata e ketij bastardi te xhelateve te diktatures se do te shnderroje ne skrap logon e Partise Demokratike, partise qe permbysi pushtetin e Enverit, Spiros, Kristaqit, eterve te tij barbare, partise qe vendosi pluralizmin politik, qe ndau epokat dhe vendosi sistemin demokratik dhe ekonomine e tregut, qe anetaresoi Shqiperine ne Keshillin e Europes dhe NATO, qe firmosi Marreveshjen e Stabilizim Asociimit dhe hoqi vizat me Bashkimin Europian dhe mori rekomandimin per statusin e vendit kandidat, eshte thirrje kushtrim lufte per çdo qytetar, per te shnderruar sa me pare e me te gjitha mjetet ne kalbesire te historise skizofrenin hakmarres, qe shfryn me urrejtje kafshe te terbuar per pushtetin e humbur te eterve te tij mizor.”-shkruan Berisha./ Opinion.al E.Xh.
