Kryeministri Edi Rama ka prezantuar Diellën, asistenten virtuale që do të asistojë qytetarët gjatë ndërveprimit me platformën e-Albania.
Përmes një video-prezantimi në rrjete sociale, Rama shkruan se Diella jo vetëm do të asistojë gjatë ndërveprimit me platformën e-Albania, por edhe t’i kryejë shërbimet për qytetarët me një lutje të vetme.
Sipas tij, asistentja virtuale e cila do të jetë gati për disa muaj, është ndihmësja zadrimore që sapo ka dalë nga inkubatori i Inteligjencës Artificiale.
“MIRËMËNGJES
dhe me Diellën, ndihmësen tuaj zadrimore që sapo ka dalë nga inkubatori i Inteligjencës Artificiale të AKSHI-t dhe për disa muaj do të jetë gati jo vetëm t’ju asistojë gjatë ndërveprimit tuaj me platformën e-Albania po edhe t’i kryejë shërbimet për ju me një lutje të vetme, ju uroj të diel sa më të qetë”, shkruan Rama.
