Aktualitet

Do t’i bllokonte pronat Tahirit, policia arreston përmbaruesin


Bëhu pjesë e Grupit Zyrtar të Opinion.al
>> KËTU <<
               Publikuar në : 18:15 - 27/10/15 |
b.f

 Mund të quhet skandal dhe të përbëjë rast për hetim mënyra se si policia e shtetit ka ndaluar, me inisiativën e saj, përmbaruesin privat Baftjar Nelaj. Sipas vetë njoftimit të policisë, specialistët e Sektorit për Korrupsionin bënë ndalimin me inisiativë të 48 vjeçarit sepse sipas tyre, përmbaruesi Nelaj në kundërshtim me ligjin dhe vendimin e gjykatës ka bërë bllokimin e pronave në Hipotekë për pronat e tre shteasve Sh.M., A.D. dhe B.J., prona të cilat nuk ishin objekt i vendimit gjyqësor.

Mirëpo, i interesuar pranë zyrës së përmbaruesit, reporteri i lapsi.al mësoi se ky ndalim nuk është bërë konform ligjit dhe me shumë gjasë prangat janë përdorur si presion për të frikësuar përmbaruesin Nelaj, i cili kishte nisur procedurat për ekzekutimin e një vendimi gjykate kundër ministrit të Brendshëm, Saimir Tahiri. Gjykata e kishte dënuar me vendim të formës së prerë Tahirin për shpifje ndaj shtetasve Albana Vokshi, Shkëlzen Berisha dhe Argita Berisha, të cilëve ai duhet t’u paguajë nga 1 milion lekë të reja për person, pra në total 3 milion lekë. Këtë shumë, përmbaruesi Baftjar Nelaj, do të duhej t’ia bllokonte ministrit Tahiri, të cilin e kishte vënë në dijeni për ekzekutimin e vendimit.

Por në vend të lekëve, Nelaj ka marrë prangat. Policia ka urdhëruar ndalimin e tij me iniciativën e saj, gjë që është në kundërshtim me ligjin. Çështja për të cilën policia pretendon se ka ndaluar Nelajn është një çështje që po hetohet nga prokuroria e Tiranës dhe, vetëm kjo e fundit, ka tagër të urdhërojë ndalimin apo arrestimin e tij. Prokuroria nuk ka lëshuar asnjë urdhër të ngjashëm dhe policia ka vepruar me kokë të vet “për t’i treguar vendin” atij që kërkon t’i marrë lekët shefit. Ndalimi i përmbaruesit ka edhe një tjetër shkelje, pasi zyra e tij shpjegoi për lapsi.al se çështja e tre qytetarëve që janë ankuar se përmbaruesi ka bllokuar pa të drejtë pronën e tyre, ka shkuar njëherë në gjykatë dhe gjykata i ka dhënë të drejtë përmbaruesit Baftjar Nelaj.

Ministri Tahiri, pavarësisht vështirësive ekonomike që po kalon, të cilat e detyrojnë madje të udhëtojë më makinat e kushërinjve, duhet të paguajë dënimin e dhënë nga gjykata, njëlloj si gjithë qytetarët e tjerë. Ose policët e tij, të lirojnë përmabruesin dhe të mbledhin lekë për t’i ndihmuar shefin e tyre. Prangat dhe policia nuk mund të përdoren privatisht. Lapsi. al

 

KOMENTO (1)

Shkruaj nje koment

  1. Lirojeni Baftjar Adulla Nela se kjo eshte e pa drejt , keto gjera ndodhin vetem ne nje shtet ku ligj nuk punon si ka mundesi , kesaj i thot Edvini me shoket e vete RILNDJE e komunizmit ” nuk keni pare akoma ” koto jane shprehjet e Edvin Rames ne parlament, domethen se ligjin e bani “Maliqi ” deshta me thane Rilindja o shoke.

Pas