Një 33-vjeçar shqiptar është arrestuar nga policia e Pizës në Itali, pasi ndaj tij ishte vendosur masa e sigurisë së arrestit me burg, për keqtrajtim dhe përndjekje, raportojnë sot mediat italiane, shkruan Syri.net.
Në dhjetorin e vitit të shkuar, ishte ish e dashura e 33-vjeçarit ajo që e ka denoncuar.
Sjellja e paligjshme ndaj saj ka filluar që prej vitit 2014, sipas hetuesve, madje shqiptari ka ushtruar edhe dhunë fizike si dhe ka kërcënuar me vdekje ish të dashurën.
Ajo ka pësuar dëmtime, për të cilat është dashur të mjekohet në spital.
Aktet e përndjekjes kanë ndoshur pasi ish e dashura i kishte kërkuar që të ndërpriste lidhjen me të.
