Deputeti i PD, Belind Këlliçi shpreh bindjen për pjesëmarrje të madhe të qytetarëve në protestën e ditës së nesërme.
Në “News24”, Këlliçi është pyetur nëse protestës do i bashkohen dhe deputetët, Lulzim Basha dhe Enkelejd Alibeaj.
Këlliçi është përgjigjur duke thënë se nuk ka dijeni pasi nuk ka patur komunikim me dy deputetët.
Po ashtu, ai sqaroi dhe deklaratën e kryedemokratit Sali Berisha, cili këshilloi Bashën dhe Alibeajn të mos shkonin në protestë.
Këlliçi: Berisha nuk ka folur për incidente. Unë në një studio përpara disa ditësh, kam ftuar Bashën dhe Alibeajn që të vijnë në protestë. I takon të jenë në protestë.
Problemi është çfarë thotë Berisha, jo juve.
Këlliçi: Berisha ka dhënë një sugjerim personal, për shkak të mërzisë dhe inatit që kjo dyshe i ka lënë qytetarët përfaqësim politik dhe pa opozitë. Është një diskurs i tij personal. Duhet të ndani ironinë, cinizmin nga deklaratat publikisht zyrtare dhe që kanë të bëjnë me një proces të tillë.
Ke informacion, do vijnë ata?
Këlliçi: Nuk kam informacion, nuk kam folur me ta. Ju e keni parë që mes kordonit të policisë dhe protestuesve, do jenë të rinjtë e FRPD-së, të cilët do jenë me mjete identifikuese të veshur, me shiritin në krah të cilët do jenë garanci që të mos ketë asnjë intimidim nga asnjëra palë.
