Për herë të parë pas ndarjes së tyre në shtator të vitit 2016-të, Brad Pitt dhe Angelina Jolie janë fotografuar së bashku. Fotografitë u publikuan nga revista australiane “Who”, e cila pohon se dyshja u takuan me 30 janar dhe qëndruan bashkë për 3 orë. Revista australiane hedh dyshimet se ata po përpiqen që të rikthehen sërish bashkë.
Por këto dyshime u hodhën menjëherë poshtë nga “Daily Mail” e cila tha se takimi u bë në një zyrë ligjore në Beverly Hills, ku Brad dhe Angelina po flisnin rreth kujdestarisë së 6 fëmijëve të tyre, të shoqëruar dhe nga përfaqësuesit ligjorë.
Të dy ishin të veshur sportivë dhe kur dolën nga zyra, u munduan që të shmangin kamerat.
Angelina dhe Brad kanë 6 fëmijë: Maddox, 17 vjeç, Pax, 15 vjeç, Shiloh, 12 vjeçe, Zahara, 14 vjeçe dhe binjakët Knox dhe Vivienne, 10 vjeç, për të cilët kanë nisur një betejë ligjore e cila mesa duket paska arritur në një marrëveshje./E.M
