Atletja shqiptare që do të përfaqësonte vendin tonë në Lojërat Olimpike të Tokios, Luiza Gega, ka mbetur në Kenia.
Ajo ndodhej atje për fazën parapërgatitore së bashku me trajnerin e saj Taulant Stermasi. Por me anulimin e Lojërave Olimpike për shkak të pandemisë së koronavirusit ajo ka mbetur në kontinentin afrikan.
Gjithësesi në një intervistë për Ora News, rekordmenia shqiptare në vrapimin 800, 1500 dhe 3000 metra, tha se po e shfrytëzonte këtë fazë për t’u përgatitur për evente të tjera kur lojërat të rihapen.
“Kam ngecur në Kenia, Olimpiada u shty, por do të qëndrojë këtu për një mini-fazë përgatitore. Me shtetin shqiptar nuk kam kontaktuar akoma, por të pres si do shkoj situta dhe do të gjej një mënyrë”, tha Gega.
Vitin e shkuar Luiza Gega u bë e para atlete shqiptare që u kualifikua në një finale të kampionatit botëror kur arriti të futej mes 15 më të mirave në botë në garën e 3 mijë metrave me pengesa. /Opinion.al
