Kryetari i PD-së, Sali Berisha ka deklaruar ditën e sotme se mosha e tij është avantazh për fushatën zgjedhore.
Këtë përgjigje, Berisha e dha gjatë konferencës me mediat këtë të martë, teksa u pyet se a do të ketë ndikim mosha e tij në fushatë.
Kjo pasi sipas Berishës rikthimi i tij nuk ka në bazë ambicien për karrige apo për para, por për të shfrytëzuar eksperiencën e tij gjatë këtyre viteve.
“Lidhur me moshën, të them të vërtetën unë e konsideroj avantazh. Pse? Sepse rikthimi im nuk ka absolutisht në bazë ambicie për karrige, për para apo për luks. Nuk del njeri të thotë se unë këto i kam patur edhe në moshë tjetër, edhe në rini. Jo! Tani aspak. Çfarë më mbetet mua nga mosha tani? Më mbetet eksperienca e çmuar”,tha Berisha.
