Ka përfunduar takimi mes liderit të Lëvizjes Vetëvendosje, Albin Kurti dhe kryetarit të Lidhjes Demokratike të Kosovës, Isa Mustafa.
Por, përsëri dy partitët të cilat u votuan më shumë në zgjedhjet e parakohshme, ende nuk kanë arritur një marrëveshje, duke lënë kështu një tjetër takim për ditën e nesërme.
Mustafa la të kuptohej se pas takimit tre orësh, mund të ketë një marrëveshje për një koalicion qeverisës të përbashkët mes LVV dhe LDK me kushte.
“Takimi ka përfunduar, kemi një lëvizje në përpjekjen për ta arritur marrëveshjen mes të dy palëve. Do të kemi edhe një takim nesër, për detaje do t’ju njoftojmë me kohën”, tha Mustafa
Albin Kurti i bëri ofertë publike LDK-së që të mbajë Ministrinë e Brendshme, një zv.kryeministër dhe katër ministri të tjera, ndërkohë LVV ka publikuar emrat për ministritë e veta./ Opinion.al
