Avokati i Izet Haxhisë deklaroi se do të kërkojë rihapjen e dosjes së vrasjes së Azem Hajdarit. Avokati Fran Dashi tha se Izet Haxhia u gjykua në mungesë, prandaj do kërkojë rihapjen e dosjes “Hajdari”.
“Të gjitha vendimet e dhëna nga gjykata janë bërë në mungesë dhe ne do të hapim nga fillimi dosjen “Hajdari”. Klienti im nuk ka frikë dhe asnjë shqetësim”– u shpreh avokati Dashi përpara gazetarëve.
Izet Haxhia u ekstradua dje nga Turqia pas 19 vitesh arrati, pasi është dënuar me 25 vite burg për vrasjen e Azem Hajdarit.
