Bashkëjetuesja e Aleksandër Sadikajt, i cili mbeti i vrarë të shtunën në një atentat me eksploziv në makinë në afërsi të TEG-ut ka dëshmuar se e ditën që ndodhi ngjarja doli për në punë në oren 08:30, ndërsa Aleksandri ishte në gjumë.
Ajo ka zbardhur bisedën e fundit me të dhe ka thënë se i riu i kishte thënë se meqë do vonohej ai do të dilte dhe më pas do te drekonin bashkë.
Ndër të tjera e dashura është shprehur se lajmin për vendosjen e tritolit e mori vesh nga menaxheri i lokalit të Sadikajt.
“Vajza doli për në punë në orën 08:30, ndërsa Aleksandri ishte në gjumë. Ai është zgjuar në orën 10:09 dhe i ka thënë që meqë deklaruesja do vonohej ai do të dilte dhe do takoheshin për drekë. Kjo bisedë është bërë në orën 11:00. Aleksandri nuk ndihej i frikësuar. Rreth orës 14:15 e ka telefonuar shoku i Aleksit dhe e ka pyetur se ku është Aleksi se kishte parë një lajm. Më pas ka telefonuar menaxherin e lokalit dhe e ka pyetur nëse Aleksi ishte aty. Ai i kishte thënë se nuk dinte gjë. Pas këmbënguljes së deklarueses ai i ka thënë se është djegur një makinë te Tegu, por nuk e dinte nëse ishte ai. Deklaruesja shprehet se është nisur drejt vendngjarjes, por ka pasur shumë trafik. Më pas ka folur me kunatin e Aleksit dhe ai i kishte thënë që ishte në spital dhe nuk ishte mirë. Kështu që kishte shkuar në spital”, thuhet në dëshminë e vajzës.
