“Bashkë me analizën do testojmë gatishmërinë e strukturave për të nisur një stinë protestash. Do nisë një stinë e fuqishme protestash që do i lërë në rutinë këto çështjet politike”. Kështu është shprehur në një intervistë në Neës 24, Sekretari i Përgjithshëm i PD-së, Arben Ristani.
“Pritet një organizim. Tashmë jemi në kushte më të vështira nga ç ‘ishim para zgjedhjeve. Tani po analizojmë situatën për gatishmërinë e strukturave”, ka pohuar ai kur është pyetur lidhur me datën e nisjeve të këtyre protestave.
Ristani ka shtuar se protesta duket si e vetmja zgjidhje, nëse s’do ketë as ndihmë nga partnerët ndërkombëtarë.
“Kjo qeveri banditeske që kemi është e vështirë të rrëzohet me rrugë demokratike. Kur në pushtet ke një bandë krimi, që krahasohet me kartelet e drogës kolumbiane, vështirë se mund t’i rrëzosh nëpërmjet zgjedhjeve, se s’janë të lira e të ndershme. Ka një plan të studiuar mirë nga Rama, që nga një krah të varfërojë popullin dhe nga ana tjetër të pasurojë kriminelët. Deri tani ka ecur mirë plani i tij. Duke i tërhequr kriminelët dhe në Kuvend. Protesta, duket si e vetmja zgjidhje, nëse s’do kemi as ndihmë nga partnerët ndërkombëtarë”.
