Një 37-vjeçar nga Tirana ka rënë pre e mashtrimit kompjuterik nga një person banues në Plavë në Malin e Zi.
Por i riu kur ka kuptuar se në llogarinë e tij bankare mungonin paratë, i është drejtuar menjëherë komisariatit të Policisë në kryeqytet për të bërë kallëzim.
Njoftimi i Policisë:
Seksioni për krimet kompjuterike Më datë 24.07.2017, u referuan materialet në Prokurorinë e Rrethit Gjyqësor Tiranë, për shtetasin A.GJ, vjeç 41, banues në Plavë, Mal i Zi, pasi dyshohet se me anë të mashtrimit kompjuterik, ka transferuar nje sasi Eurosh drejt një llogarie bankare në Malin e zi, të destinuara për një blerje online, nga ana e shtetasit E.Ç, vjeç 37, banues në Tiranë. Neni 143/b i Kodit Penal.
