Gjykata e Durrësit ka dhënë ditën e sotme masën e sigurisë për tre të arrestuarit, të cilët dyshohen se do të kryenin një vrasje kundrejt pagesës në Durrës.
“Arrest me burg”, ka vendosur trupi gjykues për Aldi Mustafën, 35 vjeç, Uran Zyka, 40 vjeç si dhe Tahir Gjinika, 33 vjeç, në seancën e zhvilluar me dyer të mbyllura.
Në momentin e ndalimit 3 personat kanë qenë duke udhëtuar me një automjet tip “BMW” që drejtohej nga Mustafa. Ata kanë tentuar të largohen duke goditur makinën e policisë por janë bllokuar nga shërbimet e tjera të uniformave blu.
Policia sekuestroi edhe municion luftarak, 2 laptopë, 9 telefona celularë dhe 1600 euro./Opinion.al
