Zëvendëskryeministrja e Kosovës, Donika Gërvalla tha se edhe në Kosovë do të ketë rritje të çmimit të energjisë dhe produkteve të tjera për shkak të luftës Rusi-Ukrainë.
Gërvalla tha në emisionin “Opinion” se qeveria e Kosovës ka marrë masa për të ndihmuar qytetarët me të ardhura të ulëta.
“Edhe ekonomia Kosovare do të ballafaqohet me ndikimet. Deri tani kemi patur rritje të çmimeve të kontrolluar, por deri më tani si qeveri i kemi reaguar ndaj rritjes së çmimit të energjisë dhe produkteve të ndryshme dhe kemi bërë një lloj balancimi të të ardhurave të qytetarëve që kanë të ardhura të ulëta. Sanksionet janë një medalje me dy anë dhe ne duhet të jemi shumë të kujdesshëm që qytetarët të mos përballen me vështirësi.”,-tha Gërvalla./Opinion.al
