Poetja Rita Petro ishte një nga të ftuarat e emisionit “Opinion” që po zhvillohet mbrëmjen e sotme.
Duke folur në një lidhje të drejtpërdrejtë, Petro mendon se projektligji për dënimin e bigamisë është i tepruar për sa kohë që ligji lejon vetëm një martesë.
Ajo thotë se dënimi i tradhtisë bashkëshortore ishte ai që ndezi rrjetin dhe i dha situatës nuanca “para dhe pas ligjit”.
Rita Petro: Duket shumë e qartë që derisa është ligji ë lejon vetëm një martesë gjithçka tjetër më duket vërtet e tepruar. Ajo që ishte më shqetësuese ishte apstaj projektligji tjetër, merret pastaj me dënimin e tradhtisë bashkëshortore. Ajo e ndezi edhe rrjetin, e ktheu situatën nga komike në tragjike.
Blendi Fevziu: U trembën njerëzit?
Rita Petro: E di si është problemi? Ajo do kthehej kështu tani që para ligjit dhe pas ligjit, shyqyr shpëtuam nga burgu.
Blendi Fevziu: I dhanë forca para se të aprovohej ligji.
Rita Petro: Kushdo nga ne Blendi… Blendi, ne duhet të jemi shumë të vërtetë përpara, ata njerëz që do miratojnë ligjin, ata politikanë duhet t’u bëhet ajo pyetja e famshme e Krishtit që kush nuk ka bërë asnjë mëkat, t’i gjuajnë me gurë.
Blendi Fevziu: Nuk e bëjnë dot se do shkojë në shtëpi, do thotë gruaja pse s’e aprovove ligjin, pse pate ti frikë.
Poetja shton se ligji duhet të jetë paralel me zhvillimin e shoqërisë dhe duhet parë drejt vendeve europiane.
Rita Petro: Ligji duhet të shkojë, nuk ka nevojë që ligji të merret me emocionet dhe ata që bëjnë ligje, ligji i butë apo ligji i fortë. Ligjet duhet të shkojnë paralel zhvillimin e shoqërisë dhe shoqëria jonë duhet të shohë vendet evropiane, nuk kemi ne pse kthehemi mbrapa.
Blendi Fevziu: Rita, me këtë ligj do ishte burgosur ndonjëherë ti?
Rita Petro: Edhe mundet, jo vetëm unë por të gjithë. Edhe ju që jeni aty. Në këtë situatë, unë do ta shikoja gruan më të luftuar dhe do bëja një përligjie. Ato gra që i kanë vrarë burrat apo i kanë vrarë për shkak të tradhtisë, një pjesë më konservatore e shoqërisë i ka gjykuar dhe ka thënë mirë ia bëri, shiko sa tragjike kthehet kjo në kohën e sotme prandaj mendoj që edhe si projektligj, kujt i ka shkuar mendja që ta shkruajë një gjë të tillë.
