Kryeministri Edi Rama ka zhvilluar ditën e sotme një takim në Lezhë me mbledhur drejtuesit e Partisë Socialiste në qarqet e veriut.
Dhe pse gjatë takimit Rama është shprehur se kryebashkiakët e rinj, që dolën nga zgjedhjet e 30 qershorit, kanë respektuar urdhrin duke mos shkarkuar nga puna punonjësit e bashkive të djathta, ai ka deklaruar se do të ketë shkarkime në bashkinë e Shkodrës.
Sipas “Top channel”, teksa kryeministri ka folur për Shkodrën, ai ka thënë se “Do iki çdo drejtor, me të mirë ose të keq. Janë të gjithë të mbaruar. Do të bëjmë një ndryshim radikal.”
Pas largimit të drejtorëve të bashkisë së Shkodrës, Rama ka kërkuar që në të gjitha postet drejtuese të bashkisë të emërohen gra. Në lidhje me procesin e riorganizimit të bashkisë së Shkodrës, mësohet se Rama ka ngarkuar deputetin Luan Harusha.
Gjatë këtij takimi, numri një i qeverisë ka folur në lidhje me pastërtin e figurës të çdp eksponenti të Partisë Socialiste. Rama ka përmendur dhe rastin e Valdrin Pjetrit, duke thnë se ”Kemi patur një problem me Shkodrën dhe kjo ka ardhur për arsye se komisioni i verifikimit të pastërtisë së figurës që ngritëm edhe këtë herë në parti, nuk mund të shkojë përtej kufijve që kanë shtetet në lëshimin e statusit penal për çdo individ. Italia për shembull e ka deri 10 vjet më parë, dokumentin e pastërtisë. Mirëpo në rastin e Valdrin Pjetrit kjo nuk ka mjaftuar siç e kemi parë”.
Përsa i përketë dokumenteve të cilat u publikuan nga PD në lidhje me rastin e Pjetrit, Rama ka thënë se PD ka dhen ryshfet për ti marrë e për ti përdorur si provë.
Në rast se letrat që nxori PD janë autentike, ato janë marrë në mënyrë të paligjshme. Janë fotografuar nga ekrani i kompjuterit duke dhënë ndonjë ryshfet. Ne s’mund ta bënim këtë dhe s’mund ta bëjmë, por duhet ta zgjidhim. Sepse s’mund të marrim asnjë kosto as ne as komuniteti, kur një vetëdeklarim rezulton i rremë, pasi kanë mbaruar zgjedhjet dhe krijohet boshllëk e zhgënjim”.
Po ashtu, lidhur me akuzat e PD dhe pastërtisë së eksponentëve të PS, Rama ka dhënë propozimin e tij.
“Do t’i propozoj parlamentit që kandidaten e partive për deputetë apo kryebashkiakë, të depozitohen më herët se sa afati i regjistrimit, në mënyrë që të ketë kohë për verifikim nga organet ligjzbatuese. Kush individ merr përsipër të gënjejë një parti e një shoqëri të tërë, të mbajë mbi kurriz të gjitha pasojat. Nuk është përgjegjësi e partisë politike kur del një mollë e kalbur. Por ama është përgjegjësi e partisë të reagojë duke e flakur mollën e kalbur. Por me këto dy ndryshime ligjore, jo vetëm gënjeshtari apo shkelësi, do flaket nga partia, po s’do lëre asnjë boshllëk nga pas”-ka thënë Rama./ Opinion.al E.Xh.
