Ditën e sotme po zhvillohet seanca plenare në Kuvendin e Shqipërisë me rend dite ndryshimet në marrëveshjen me Pfizer për vaksinat.
Nga foltorja e Kuvendit, Kreu i Partisë Demokratike, Lulzim Basha tha se qeveria gënjeu për pandeminë dhe për shifrat e personave që ndërruan jetë. Sipas Bashës, dhënë ndihmën më të ulët në rajon për pandeminë, a lanë pas dhe vendeve më të vogla që disbursuan më shumë, Kosova po na jep leksion në këtë drejtim, jo më larg se 1 javë më parë, vendosi të ndihmojë familjet që kanë humbur një person nga Covid
“Nuk është hera e parë që gënjejnë me pandeminë, gënjyen për ndihmën pandemike për rimbursimin, për tenderat, për jetët e humbura, 16 mijë më shumë se mesatarja dhe jo shifra rrenacake. Këtë nuk e themi ne, e konfirmon dhe raporti i KE, që konfirmon se Shqipëria ka shtesën më të lartë të vdekjeve. Prandaj, kur të dielën që shkoi deklaroi se do t’ia dalim siç ia dolëm me pandeminë, zoti na ruajt, ajo fjali triumfaliste, që nuk kishte asnjë lidhje me të vërtetën, tingëlloi si një shuplakë, si një e pështyrë në fytyrën e qytetarëve të këtij vendi.
Qytetarët u futën në borxhe se pushteti lau duart me ta. Qytetarët harxhuan mesatarisht 1 mijë dollarë për tampon dhe ilaçe. Skema e rimbursimit dështoi, qytetarët humbën punën. Ky pushtet përparësi ka koncencionet, PPP grabitjen e pronave dhe ka dhënë ndihmën më të ulët në rajon për pandeminë, a lanë pas dhe vendeve më të vogla që disbursuan më shumë, Kosova po na jep leksion në këtë drejtim, jo më larg se 1 javë më parë, vendosi të ndihmojë familjet që kanë humbur një person nga Covid”, tha Basha.
