Lavdia ka sjellë në “Shihemi në Gjyq” bashkëshortin, Klitin për shkak të një mosmarrëveshjeje pronësie. Ajo thotë se jetonnë të njëjtën banesë me kunatin, Gazmendin dhe familjen e tij, por ai qëndron në katin e dytë, teksa rezulton që Lavdia jeton në shtëpinë e vjetër.
Në rubrikën e së “Dielës Shqiptare” në Tv Klan, Lavdia sqaron se jeton në këtë ndërtesë, por dyshon se Kliti bashkëpunon me Gazmendin sepse duan që ta përjashtojnë nga prona. Këtë e mbështet edhe me fyerjet e ofendimet që ka marrë nga kunati.
Kliti s’e pranon akuzën e së shoqes dhe përsërit gjatë gjithë kohës se do ta zgjidhë ai problemin, pretendon se dokumentet s’janë të vërteta dhe nuk do të grindet me familjen. Ndërkohë, problemi duket se po prek edhe fëmijët e çiftit dhe Lavdia ka frikë për ta.
Kliti: Ti si mendon, që i kam bërë unë ato?
Lavdie: Po kush i bëri pra?
Kliti: Po s’i kam bërë unë ato mi, i ka bërë ai që i ka bërë!
Lavdie: Gjeje kush ta ka bërë!
Kliti: Nuk e kam bërë unë atë katrahurë, kurrë!
Lavdie: Ore gjeje kush ta ka bërë se kam dy fëmijë, nuk mund t’i lë fëmijët me sherr!
Kliti: Po do ta gjej mi, por ti mos merr superxhiro!
Lavdie: Ore kam fëmijët po të them, si thonë fëmijët?”Do shkoj t’ia vë flakën”, thotë, “do i them burgut hapu!”
Kliti: I kam edhe unë fëmijë, nuk i ke vetëm ti!
Lavdie: Si t’i lë fëmijët të vriten aty, të zihen me kushërinjtë e vet?
Kliti: S’do t’i lë se edhe unë nuk e pranoj një gjë të tillë.
Në dokumente, bashkëshortja e Gazmendit rezulton si bashkëpronare, ndërsa Lavdia nuk reflektohet në asnjë prej tyre. E vetmja gjë që ajo ka marrë është frika për fëmijët dhe mundohet gjithnjë të qetësojë gjakrat mes tyre.
Lavdie: Ia ka dhënë gruas së vet shtëpinë, të ka nxjerrë ty fishek!
Kliti: Le t’ia japë mi se nuk ka bir nëne ta marrë pjesën time, jo Gazmend Kukli, po asnjeri në botë!
Lavdie: Ore i ke hedhur fëmijët tej, po të them edhe njëherë! A e dëgjon çunin e vogël si thotë, të shkoj t’ia vë flakën, t’i them burgut hapu?
Kliti: Nuk do të ndodhë ajo!
Lavdie: A e pranon ti këtë gjë more zotëri?
Kliti: Është e papranueshme!
Lavdie: Se dhe fëmija sot nuk duron sot t’i bërtasë njeri nënës së vet! Por jam unë ajo që kam dalë që kujdes se kemi ligj, mos bëni të tilla gjëra, do të shkoni në burg, do t’i them burgut hapu, nuk lejoj më! Boll se nuk ka qenë i zoti ky! Vëllai bërtiste, ky ulte kokën!
