Emisioni investigativ “Stop” në Tv Klan ka transmetuar më herët disa raste flagrante të abuzimit me kempet dhe pagesat e invaliditetit dhe mbrëmjen sotme, janë ndalur sërish në këtë çështje.
Sadete Balla është pensionistja, e cila në vitin 2013 ka dalë në kemp për probleme artriti dhe në Prill 2015 ka marrë statusin përgjithmonë si invalide. Ndërkohë, në po këtë vit ka mbushur moshën e pensionit.
Ka zgjedhur pensionin e pleqërisë dhe pavarësisht kësaj, ka vijuar të marrë shtesën e invaliditetit, 33 mijë Lekë të vjetra. Në momentin që ka ndryshuar vendbanimin nga Elbasani në Durrës, i kanë nxjerrë probleme duke i thënë, që nuk i takon.
Sadete Balla, denoncuesja: Kam dalë në pension si invalide, në vitin 2013. Pasi mbusha moshën, në 2015-ën, dal në pension pelqërie dhe zgjedh të marr pensionin e punës se më ra pak më shumë. Mora pensionin deri në Shtator 2023, situata ka qenë e rregullt. Më pas, mora dosjen për ta çuar tek bashkia. Punonjësja e bashkisë më dha një shkresë që të shkoja tek doktori i Sigurimeve Shoqërore për një vulë. Doktori më tha sapo e pa që “ty nuk të takon, e ke marrë gabimisht”.
Gazetarja: Pra, flasim për 33 mijë Lekë të vjetra nga bashkia. Diagnoza ime është artrit ramatoit, probleme me gjymtyrët, me kockat. Kam qenë mësuese dhe prandaj u transferova dhe këtu në Durrës sepse thoshte vajza që ndoshta nuk përdor më ilaçe. Afër detit, afër mbretit, i thonë fjalës. Afër detit dhe probleme me pensionin tani.
“Stop” shkoi në Njësinë Administrative të lagjes 13 në Durrës, ku punonjësi social thotë se sigurimet i kanë thënë se zonjës nuk i takon.
Gazetarja: Në Prill të 2015-ës ka marrë vërtetimin, që është në kemp përgjithmonë, në Shtator të 2015-ës ka marrë pensionin e pleqërisë.
Punonjësja e Njësisë: Ka ndryshuar, ka lënë invaliditetin, ka marrë pleqërinë.
Gazetarja: Në Shtator ka mbush moshën për pension pleqërie.
Punonjësja e Njësisë: Mesa m’u tha dhe mua, në momentin, që t’i ndryshon pensionin nga invaliditet në pleqëri, pleqërisë nuk i takon shtesa 33 mijë Lekë dhe prandaj dhe sigurimet këtu nuk i japin dublikatin.
Por te kempi i Drejtorisë Rajonale të Sigurimeve Shoqërore në Durrës thuhet se dosja nuk është administruar akoma.
Mjeku: Që të shkojë të Njësia për të marrë 33 mijë Lekëshin plus do të vijë te unë që të marrë vertetimet në bazë të dosjes që ka këtu. Të thashë, me sistemin e ri, kjo dosje që më ka ardhë nga Tirana, më ka ardhë “pension pleqërie” pra nuk ka ardhë me pension invaliditeti.
Gazetarja: Pra ngërçi te ju është, se duhet të administrohet dosja fizikisht?
Mjeku: E para! Dhe e dyta, ndoshta do të më duhet të flas me kryetarin e degës, sepse asaj i është vënë pension pleqërie, jo pension invalidi.
Pas verifikimeve, “Stop” shoqëroi zonjën për të marrë vërtetimin përkatës dhe morëm konfirmimin e vijimit të pagesës shtesë të invaliditetit.
Gazetarja: Në lidhje me problemin tuaj i është dhënë një zgjidhje.
Denoncuesja: Falë insisitimit të emisionit “Stop” dhe bashkëpunimit me Sigurimet Shoqërore.
Insitituti i Sigurimeve Shoqërore:
Gazetarja: Tani, cili është dokumenti që zonja do të marrë?
Mjeku: Do të shkosh tek Drejtoria e Shërbimit Social.
Gazetarja: Me këtë vërtetimin dhe me dosjen, ne do të shkojmë tek Shërbimi Social i Durrësit.
Shërbimi Social i Durrës:
Punonjësi i ShSSh: Do i marrë në Dhjetor të gjitha!
Gazetarja: Tetor, Nëntor, Dhjetor.
Punonjësi i ShSSh: Ajo deri në Shtator është paguar atje, nga 1 Tetor në vazhdim, te Njësia Vendore, ku ka ardhur tani banore.
Gazetarja: Kjo ishte faza e fundit. Asnjë pagesë nuk do të të humbasë, me gjithë se nuk e ke marrë Tetorin, do i marrësh të bashkëngjitura, Tetor, Nëntor. E fundit fare në Dhjetor.
Denoncuesja: Shumë faleminderit nga ju. Ju falenderoj nga zemra për gjithë punën që bëni sepse unë do ta lija për jo.
Gazetarja: Sa të jemi ne këtu, nuk ka për jo. Aty ku është për po, do të bëhet po.
Denoncuesja: Shansi im që u drejtova tek ju. Ju falenderoj nga zemra për punën fisnike që bëni. /tvklan.al
