Kryeministri Edi Rama, nga Beogradi, në një konferencë me gazetarët shqiptarë pas samitit për “Open Ballkan” është pyetur nëse do të bindë Kosovën që të bëhet pjesë e kësaj nisme.
Kreu i qeverisë shqiptare tha se me Kosovën kanë marrëdhënie speciale që nuk varen nga nisma “Open Ballkan”. Ai shtoi se nuk mund të bëjë përpjekje imponuese, ndërsa theksoi se nuk ka degë të PS-së në Prishtinë.
“Ne kemi me Kosovën një marrëdhënie speciale, që nuk varet nga ‘Open balkan’. Ne do të bëjmë çmos që marrëdhënien me Kosovën ta kemi shumë konkrete në të gjitha aspektet. Por bashkëpunimi rajonal është komplet tjetër në impaktin që ka në ekonomi, në përmirësimin e jetës. Unë nuk bëj asnjë përpjekje për tu imponuar. Është një vendim sovran i atyre që kanë marrë mandatin për të qeverisur Kosovën, aq më tepër që unë nuk kam degë të PS-së në Kosovë”, tha Rama./Opinion.al
