Tenisti serb Novak Djokoviç është prononcuar për herë të parë që kur autoritetet australiane nuk i lejuan hyrjen në vend.
Në rrjetet sociale, numri 1 i botës ka shkruar: “Shumë falemnderit atyre që po më mbështesin vazhdimisht. Unë e ndjej përkrahjen tuaj dhe e vlerësoj shumë”.
Izolimi i Novak Djokoviç në një hotel për emigrantë në Melburn, pasi nuk ka kryer dy dozat e vaksinës, sipas ligjeve në Australi, ka bërë që çështja të marrë përmasa ndërkombëtare. Familjarët e tenistit akuzuan se Nole po mbahet i burgosur, deklarata të hedhura poshtë nga ministrja e Brendshme, Karen Andrews.
“Djokoviç nuk është i burgosur, madje ai mund të largohet nga Australia kur të ketë dëshirë. Nëse kërkon të kthehet, autoritetet e kufirit do ta ndihmojnë që procedura të jetë më e lehtë”, tha ajo
.
