Meksika është duke përjetuar një rritje të numrit të rasteve me koronavirus gjatë javëve të fundit. Autoritetet raportojnë për rreth 26 mijë raste por numri mendohet të jetë shumë më i lartë duke marrë parasysh kapacitetet infrastukturore të cunguara në disa zona.
Në territorin e Meksikës veprojnë disa nga kartelet më të fuqishëm dhe të dhunshëm të trafikut të drogës në botë. Ata e ushtrojnë influencën e tyre në qytete të tëra duke bërë që edhe forcat e shtetit ta kenë të vështirë aksisesin në disa zona. Por kriza e koronavirusit ka treguar ndër të tjera se nuk bën dallime midis njerëzve, qofshin të pasur, të varfër, të fortë ose të dobët.
Në këto kushte, vetë kartelet duket se kanë marrë situatën e izolimit të qytetarëve në dorë duke u bërë thirrje njerëzve të qëndrojnë në shtëpi. Video të shpërndara në rrjetet sociale tregojnë anëtarë të kartelit të drogës së Sinaloas të cilët i bëjnë thirrje banorëve të Kuliakanit kryeqytetit të Sinaloas, në Meksikë, të qëndrojnë të izoluar për shkak të koronavirusit.
Djemtë trafikantit të drogës, Joaquin ‘El Chapo’ Guzman,, Iván Archivaldo Guzmán, 36 vjeç, dhe Jesús Alfredo Guzmán, 37, të njohur si “Los Chapitos, kërcënuan shkelësit e karantinës në Culiacan me rrahje, arrestime dhe gjobëvënie, raportoi Yucatan Times.
“Pas orës 10 të darkës, të gjithë njerëzit duhet të qëndrojnë brenda shtëpive të tyre për shkak të koronavirusit, në të kundërt do të ndëshkohen. Këto janë urdhra nga lart, nga ‘Los Chapitos’. Kjo nuk është një lojë, ne nuk po luajmë”, dëgjohen të thonë ata.
Fundjavën e kaluar Alejandrina Guzman, vajza e ‘El Chapo”-s, ka shpërndarë dhurata, të cilat kanë pasur të stampuar imazhin e të atit.
Ky i fundit ndodhet aktualisht në një burg të sigurisë së lartë në Shtetet e Bashkuara. “Los Chapitos” thuhet se drejtojnë kartelin e drogës së Sinaloas, i cili ka një vlerë të vlerësuar prej 1 miliard dollarë, së bashku me Ismael “El Mayo” Zambada, sipas Fox News. /Opinion.al
