Bashkia e Tepelenës ka anuluar koncertin për festat e fundvitit, për shkak të tragjedisë që ndodhi ditën e sotme, ku një nënë bashkë me foshnjën e saj humbën jetën, pasi banesa e tyre u përfshi nga flakët.
Mësohet se pjesë e kësaj feste do ishte dhe ministrja e Kulturës, Mirela Kumbaro si dhe ministri i Çështjeve Vendore, Bendi Çuçi, të cilët do të jenë kryesues të listës së kandidatëve për deputet në këtë qark.
Ngjarja
Ngjarja e rëndë ndodhi sot në lagjen “15 Shtatori” në Tepelenë. Nëna bashkë me fëmijën e saj vetëm 6 muajsh kanë humbur jetën, pasi banesa e tyre në katin e parë të një pallati në lagjen “15 Shtatori” është përfshirë nga flakët.
Burime policore bënë me dije se viktimë ka ngelur Elona Shehu, 35 vjeçe dhe foshnja e saj. Nga të dhënat paraprake, dyshohet se shkak i zjarrit ka qenë një rrjedhje gazi. Mësohet nëna me foshnjën kanë qenë vetëm në momentin që banesa është përfshirë nga flakët, ndërsa burri dhe fëmija, 5 vjeç tjetër ndodheshin jashtë për të parë nga afër koncertin.
