Djegia e anijes në brigjet e Kalifornisë mëngjesin e të hënës ka lënë 25 persona të vdekur dhe 9 të humbur. Roja bregdetare e SHBA tha se 5 anëtarë të ekuipazhit ja dolën të shpëtonin nga anija por 33 pasagjerët dhe një pjesëtar tjetër i ekuipazhit u shpallën të humbur ose u gjetën të vdekur.
Ndërsa operacioni për gjetjen e trupave vazhdon, 25 prej tyre u gjetën pa jetë dhe 9 të tjerë janë ende të humbur nga raportimet e mbrëmjes së të hënës.
Zyrtari i rojës bregdetare Matthew Kroll tha që trupat e parë të gjetur kishin shenja se ishin mbytur.
“Ky është ndoshta skenari i rastit më të keq” tha Bill Brown, sherifi i qarkut Santa Barbara, duke përmendur që pasagjerët me siguri të gjithë ishin në gjumë në kohën e zjarrit. “Ne e kuptojmë barrën e jashtëzakonshme në të cilën ndodhen [familjet] ndërsa presin të përcaktojnë saktësisht se çfarë ndodhi dhe në çfarë gjendje gjenden të afërmit e tyre.”
Monica Rochester, një zyrtare me rojet bregdetare në Los Angeles, tha: “Ne do të kërkojmë gjatë gjithë natës dhe në mëngjes … Të gjithë duhet të jemi të përgatitur për rezultatin më të keq”. /Opinion.al
