Kushdo që e ka vizituar kryeqytetin e Belgjikës e mban mend skulpturën e djaloshit të vogël pshurran, një ndër simbolet kryesore të Brukselit.
Djaloshi është dizajnuar nga Jerome Duquesnoy dhe është vendosur aty në vitin 1618 apo 1619. Kjo statuj vishet me kostume të ndryshme shumë herë brenda vitit. Kostumet menaxhohen nga një organizatë jo fitimprurëse e quajtur “Miqtë e djaloshit pshurran” të cilët pranojnë qindra dizajne të cilët aplikojnë brenda vitit dhe përzgjedhin vetë një numër për ti prodhuar dhe për ta veshur skupturën me to.
Por në 28 nëntor, kjo statujë do të vishet me kostumin kombëtar shqiptar. Në këtë ceremoni do të marrin pjesë autoritetet e Brukselit dhe përfaqësuesit e dy ambasadave të Shqipërisë dhe Kosovës njofton Amet Gjanaj, deputeti i vetëm shqiptarë në parlamentin e Brukselit. “Do të jetë një ngjarje shumë e madhe dhe simbolike në qendër të Brukselit” ka thënë Gjanaj.
Foto që ilustron se si do të duket djaloshi i famshëm me veshjet tona kombëtare.
