Nëse shumica prej nesh marrin gabimisht një ftesë nga disa të panjohur, me shumë mundësi do të lajmëronin organizatorët që ka pasur një keqkuptim dhe nuk do të merrnin pjesë.
Por jo zoti Novak. Ai mori aksidentalisht një email nga një burrë që quhej Angelo që po organizonte një festë beqarie me miqtë. Festa do të mbahej në Vermont, do të kishte ski, alkool dhe shumë striptiste. 35 vjeçari kishte shumë dëshirë për të marrë pjesë, aq shumë sa ka krijuar një faqe GoFundMe, që të mund të bëjë udhëtimin prej 2,600 milje nga shtëpia e tij, në Phoenix të Arizonës.
Sipas faqes GoFundMe, i ftuari i rastësishëm shkroi përsëri tek organizatorët e festës, duke thënë: “Unë nuk e di kush është Angelo. Unë jam Novak dhe jetoj në Arizona. Vermont është një rrugë shumë e largët për mua për të udhëtuar në festën e beqarisë së një djali që unë kurrë nuk e kam takuar. Por do të bëj të pamundurën të jem aty, sigurisht nëse ju më pranoni”
Organizatorët e festës të habitur i shkruan përsëri: “Ne të gjithë jemi dakord, jemi shumë të ngazëllyer për t’ju takuar. Ne do t’ju marrim nga aeroporti dhe të premtojmë që do të bëjmë qejf.”
Pasi ka kërkuar 750 dollarë për të mbuluar shpenzimet e vajtjes në festë në faqen e GoFundMe, Will ka mbledhur më shumë se 3,500 dollarë. Ai e përditësoi faqen për të thënë se ka zbuluar se Angelo dhe nusja e tij do të presin fëmijën e tyre të parë, kështu që të gjitha paratë shtesë do të shkojnë për kolegjin, ushqimin, lodrat apo çfarëdo që fëmija ka nevojë./Opinion.al
Burimi: Washington Post
