Një ngjarje e rëndë ka ndodhur në Itali, ku një burrë ka mbajtur për 5 vite në banesë trupin e vdekur të së ëmës, vetëm për t’i marrë pensionin.
Sipas mediave italiane, mësohet se 60-vjeçari nuk e denoncoi vdekjen e së ëmës, pasi kishte për qëllim t’i merrte pensionin, që ndër vite kapi një shifër të majme prej rreth 150 mijë eurosh.
Ka qenë policia lokale e Veronës, dje gjatë një kontrolli të autorizuar nga prokuroria, që ka gjetur eshtrat e plakës tashmë të mumifikuar.
Nëna e 60-vjeçarit kishte vdekur rreth 5 vjet më parë, por askush nuk kishte marrë vesh për këtë. Gruaja kishte vdekur në moshën 80-vjeçare. Por djali, i cili kishte lënë eshtrat e saj në shtëpi, kishte vazhduar të frekuentonte banesën vetëm për të shmangur dyshimet. Dhe të mbledhë pensionin e plakës me prokurë nga posta.
Trupi, tani i mumifikuar, ndodhej në një apartament në lagjen Borgo Milano, në katin e fundit të një ndërtese. Ai u identifikua nga agjentët e policisë lokale të drejtuar nga komandanti Luigi Altamura.
Policia kishte marrë raportime nga fqinjët, pasi u ankuan për hyrje të çuditshme dhe ndërhyrje të dyshimta në pajisjet e shtëpisë.
Në momentit që policia ka mbërritur në shtëpinë e të moshuarës, ka qenë djali ai i cili ka refuzuar që policia të fliste me nënën e tij duke u justifikuar se e moshuara ishte jashtë shtetit, në Gjermani ose me pushime.
Sjellja e dyshimtë, ka çuar në lëshimin e urdhrit të Prokurorit për hyrje në shtëpinë ku gjendej e moshuara e mumifikuar.
Hetimi u bazua në dëshmitë e fqinjëve që nuk e kishin parë zonjën prej vitesh, pavarësisht se djali i saj kalonte rregullisht pranë shtëpisë, duke përshëndetur përzemërsisht këdo që takonte.
Për të nxitur dyshimet edhe konstatimet mbi faktin se e moshuara prej vitesh nuk merrte asnjë trajtim mjekësor. Ajo nuk ishte vizituar nga mjeku i saj i përgjithshëm dhe nuk kishte bërë as blerje të barnave apo nevojave themelore. Lëvizja e vetme ishte ajo ekonomike, pensioni./Opinion.al
