Tre ditë më parë një ngjarje e rëndë ndodhi në Elbasan ku njëri prej vëllezërve Kovaçi u vra dhe tjetri u plagos si pasojë e konfliktit të ndodhur për shkak të një vajze.
Nëna e tyre ka dhënë këtë të hënë një deklaratë për mediat ku ka zbuluar detaje të reja për ngjarjen e rëndë. Ajo është shprehur se e ka gjetur djalin shtrirë, te dera e spitalit dhe më pas ai nuk foli më.
“Mua më njoftuan dhe shkova. E gjeta fëmijën shtrirë, tek dera e spitalit nuk foli më. E gjeta çunin unë dhe e ngrita. E futa tek dera e spitalit, aty më përqafoi dhe më tha amanet vëllain dhe amanet gocën. Pastaj nuk foli më. E dha jetën në derën e spitalit”, thotë Mirela.
Ajo kërkon që autori që vrau djalin e saj të marrë dënimin e duhur nga drejtësia ndryshe do të bejë vetëgjyqësi.
“Unë dua të drejtën e fëmijës tim. Më iku gjithë ai div. Ai të kalbet brenda në burg, unë djalin nuk e kam me të meta mendore. Ai gjallë nuk rri nëse del nga burgu, do të jem unë shkaktare që ta vras. Siç më iku djali im 26-vjeç dhe ai do të shkojë atje ku shkoi djali im”, vijon nëna.
Më tej ajo thotë që shkaku i ngjarjes është motra e autorit që sipas saj është një vajzë që konsumon lëndë narkotike.
“Ajo vajza pinte droge. Unë vetëm në mos e takofsha. Siç më vdiq djali mua do të vdesë dhe ajo. Unë do marr një litër benzinë dhe do ta djeg. Ashtu siç iku çuni do të ikë dhe ajo. Unë nuk e lë gjallë. Ky i madhi nuk kishte asnjë kontakt me të, punonte gjithë ditën. Se ç’ka bërë ky i vogli unë nuk e di. Familja e tyre nuk na ka kontaktuar. Po e mbaj shpirtin me ilaçe. Nuk kam fuqi më”, thotë nëna e dy djemve.
