Babai i Lekë Tunas, drejtori i OSHEEsë në Kurbin, ka reaguar pas akuzave të Partisë Demokratike, se djali i tij është kreu i një grupi kriminal që vidhte dhe trafikonte makina. Në një komunikim telefonik në “News24”, babai i tij tha se djali i tij nuk është i implikuar në trafik makinash dhe këtë e ka konfirmuar edhe Prokuroria e Shkodrës.
“Djali im është blerës i një makine të rëndomtë, Volkswagen. Organi i akuzës i Shkodrës dhe hetuesia e Shkodrës janë prononcuar mbrëmë dhe kanë thënë që blerësit nuk janë të implikuar. Është turp të përgojohet për kredo politike figura e djalit tim, i cili momentalisht është i ndaluar për të denoncuar dhe jo si i implikuar në trafik. Trafikanti është i ndaluar dhe e pranon që unë e kam shitur”, deklaroi i ati i Tunas.
