Mesfushori francez i Deportivo Alavesit, Enzo Zidane apo djali i trajnerit të Real Madridit, Zinedine Zidaner është i vendosur të shkojë në Zvicër te skuadra e Lausanne.
Enzo lë Real Madridin për Alavesin vetëm në muajin gusht, por ka luftuar për minuta të lojës që nga shkuarja atje.
E gjitha erdhi pasi klubi në fund të tabelës në La Liga nuk po përjeton rezultate të mira dhe tashmë kanë pasur tre trajnerë.
Njëri nga ta ishte edhe ish-trajneri i Kombëtares Shqiptare, Gianni De Biasi, i cili u shkarkua nga detyra pas vetëm disa ndeshjeve.
Kështu, klubi zviceran, Lausanne janë të gatshëm të nënshkruajnë me mesfushorin, qoftë në huazim ose në mënyrë të përhershme.
Stafi i Alavesit beson shumë në aftësitë e Enzos, por mendojnë se ata kanë nevojë për më shumë lojtarë të favorizuar fizikisht për atë pozicion.
Enzo është i lumtur të vendos për opsionin zviceran në mënyrë që të ri-fillojë karrierën e tij dhe të filloj ngjitjen në nivelet e larta.
Te klubi zviceran, Enzo do ta gjente lojtarin e Përfaqësueses së Kosovës, Benjamin Kololli, i cili është lojtari më në formë i Lousannes.
