Djali i futbollistit Luis Suarez mund të jetë vetëm 6 muajsh, por duket se disa nga “lëvizjet” e të atit i ka fituar që tani.
Lautaro i vogël është kapur nga kamerat teksa përpiqet të kafshojë të atin në shpatull teksa 32-vjeçari po festonte me fëmijët në fushë pasi Barcelona fitoi titullin kampion në Spanjë për herë të 26-të.
Kjo foto na sjell në vëmendje momentin kur Suarez kafshoi në shpatull Chiellinin gjatë ndeshjes mes Italisë dhe Uruguait në Kupën e Botës në vitin 2014.
Megjithatë, veprimi i Suarez ndaj Chiellinit nuk ishte rast i veçuar, pasi sulme të tilla në fushën e lojës i ka përsëritur edhe ndaj lojtarëve të tjerë. Kujtojmë se në vitin 2010, kur luante në Holandë, uruguaiani u pezullua për 7 takime pasi kafshoi në shpatull lojtarin e PSV Eindhoven, Otman Bakkal. Ndërsa kur luante me Liverpool ai u pezullua për 10 ndeshje pasi kafshoi në dorë lojtarin e Chelsea-t, Branislav Ivanovic./Opinion.al
