Lajmi se një mysliman është zgjedhur për herë të parë për të drejtuar një prej kryeqendrave të botës, Londrën, është pritur me reagime të shumta në rrjetet sociale në Shqipëri.
Shumë prej komentuesve theksojnë faktin se “Sadiku do të drejtojë kryeqendrën e Anglisë”.
Ndërkohë që Sadiq Khan mbante fjalimin e tij të fitores, një kandidat i ekstremit të djathtë i ktheu shpinën.
Paul Golding i “Britain First” u tall nga komentuesit për këtë akt sfidues.
Disa thanë se ai po tregohet racist, raporton mapo.
“Unë racist? Nuk ia ktheva shpinën pse është aziatik, por sepse është një njeri i poshtër”.
“Një i çmendur i ekstremit të majtë mori në dorë qytetin,” tha Golding.
Vetë Khan, që mori 1.3 milion vota, duke shënuar rekord për mandatin më të madh personal në historinë politike britanike, falenderoi mamanë, babanë, gruan dhe dy vajzat e tij.
Ai tha se babai i tij, shofer autobusi, do ishte krenar për të birin.
Avokati Khan tha se këto zgjedhje ishin të trazuara.
“Por unë jam krenar që Londra zgjodhi shpresën mbi frikën, bashkimin mbi ndarjen”.
“Shpresoj që kurrë të mos u ofrohet zgjedhësve një zgjidhje e tillë e zymtë përsëri”.
“Politika e frikës nuk është e mirëpritur në qytetin tonë”, shtoi ai.
