Ish-kryeministri Sali Berisha denoncoi ditën e sotme me anë një të një statusi në profilin e tij në fcb, faktin që sipas tij Policia kishte fshehur ngjarjen ku djali i deputetit të PS, Rrahman Rraja, kishte përdhunuar shtetasen Xh.M, 25 vjeçar.
Lidhur mbi rastin në fjalë ka reaguar edhe Policia e Durrësit, e cila sqaron se vajza me inicialet Xh.M. 25 vjeçe ka denoncuar ngjarjen në datë 21 korrik, sipas së cilës shtetasi R.Rr. 24 vjeç, banues në Krujë, e kërcënonte vazhdimisht.
Sipas policisë, materialet janë referuar në prokurori dhe ngjarja nuk është fshehur, pasi është publikuar në faqen Zyrtare të Policisë së Shtetit (dt.22.07.2018), ndërsa shton se SHÇBA është duke verifikuar nëse rasti në fjalë ka pasur ndonjë shkelje flagrante.
Njoftimi i policisë
Sqarim
Në lidhje me një status të publikuar në rrjetin social nga ana e Z.Berisha duke pretenduar se Komisariati i Policisë Krujë ka fshehur një ngjarje sqarojmë se:
Më datë 21.07.2018 shtetasja Xh.M. 25 vjeçe, banuese në Krujë ka bërë kallëzim në Komisariatin Nr.3 të Policisë Tiranë se e kërcënonte shtetasi R.Rr. 24 vjeç, banues në Krujë.
Në vijim i është marrë deklarim nga ana e Oficerëve të Policisë Gjyqësore të Komisariatit të Policisë Krujë shtetases së mësipërme dhe në bashkëpunim me Prokurorinë e Rrethit Gjyqësor Krujë duke vlerësuar të gjithë elementët e ngjarjes janë referuar materialet në Prokurori në ngarkim të shtetasit R.Rr.
Për shkak se çështja është në hetim nuk japim më shumë detaje.
SHÇBA është duke verifikuar nëse rasti në fjalë ka pasur ndonjë shkelje flagrante.
Ngjarja e mësipërme nuk është fshehur nga ana e policisë Krujë, pasi është publikuar në faqen Zyrtare të Policisë së Shtetit (dt.22.07.2018).
