Aktualitet

Djali i Bledi Çuçit i arrestuar në Itali?E ëma e Endi Çuçit përgënjeshtron akuzat



Bëhu pjesë e Grupit Zyrtar të Opinion.al
>> KËTU <<
               Publikuar në : 20:12 - 17/06/22 |
Opi Nion

Ka reaguar e ëma e Endi Çuçit, pas akuzave nga Kryetari i Partisë Demokratike, Sali Berisha se Endi Çuçi, djali i ministrit të Brendshëm, Bledi Çuçi është arrestuar në Itali gjatë operacionit kundër trafikut të ilaçeve dhe pacientëve të sëmurë.

Përmes një postimi në Facebook, Zhaklina Peto ka hedhur poshtë akuzat duke thënë se ato janë të pavërteta dhe të shëmtuara. Zhaklina Peto ka shkruar se as ajo dhe as i biri nuk kanë probleme me drejtësinë italinë. Ajo ka kërkuar që të mos hidhet baltë mbi të birin.

Postimi i plotë:

Me shqetësim shumë të madh dhe tepër e indinjuar dua të përgënjeshtroj të gjitha akuzat e pavërteta dhe të shëmtuara të cilat kanë dalë në media dhe që drejtohen ndaj meje personalisht dhe djalit tim Endi Çuçi.

Që ne fillim dua t’ju sqaroj se as unë dhe as djali im nuk kemi probleme me drejtësinë italiane pavarësisht përmendjes në mënyrë rastësore në një hetim të drejtësisë italiane që s’ka të bëjë fare me ne. Kjo është e cilësuar fare qartë edhe në fashikullin e hetimit të cilin e keni bashkëlidhur dhe po e citoj:

…“Në shqyrtimin e fakteve që lidhet me paragrafin në fjalë, bëjmë me dije që në fillim se elementet që kemi në dispozicion na ndalojnë, aktualisht, që të përcaktojmë ndonjë veprim me rendësi penale, në ngarkim të disa prej personave të përmendur (SOTIRI ROMEO, PETO ZHAKLINA, XHABAFTI SOKOL dhe CUCI ENDI), duke qenë se nga aktet e hetimit nuk figuron asnjë element që t’i lërë vend ngritjes së akuzave në të ardhmen”…

Unë kam qenë në Itali për t’u kujdesur për nënën time të sëmurë gjatë vitit 2021, e cila fatkeqësisht ndërroi jetë në 3 Maj 2021 në Itali. Në datën 4 Maj 2021 im bir erdhi në Itali dhe së bashku u kthyem në Shqipëri për t’i bërë nënës nderimet e fundit.

Askush nuk ka të drejtë që për qëllime tërësisht politike të na linçojë dhe dënojë publikisht. Unë iu kërkoj vetëm të mos hidhni baltë mbi djalin tim, një i ri i sapodiplomuar që sapo ka filluar të ecë në jetë dhe ndryshe nga çfarë shpifet nga puseta dixhitale, punon prej shtatorit 2021 për EPO në Mynih, Gjermani (The European Patent Office – Zyra Europiane e Markave dhe Patentave). Faleminderit!

Ndërkohë sipas Berishës, Endi Çuçi është ndaluar nga autoritetet italiane si anëtar i mafies së që kontrabandonte medikamente me bazë droge nga Italia në drejtim të Shqipërisë dhe pacientë shqiptarë drejt spitaleve italiane. Po ashtu Berisha thotë se ka pasur ndërhyrje të fuqishme nga Shqipëria për lirimin e tij nga burgu.

Pas