Djali 17 vjeç i deputetit të përjashtuar nga grupi i PD, por pjesë e Parlamentit, Mhill Fufi ka përfunduar sërish në komisariat.
Sipas njoftimit të policisë, Geri Fufi së bashku me shokun e tij, Rino Spaho kanë rrahur një nxënës të shkollës ‘Besnik Sykja’. 17-vjeçari D. S. ka bërë një denoncim.
Oficerët e komisariatit numër 2 kanë shoqëruar dy adoleshentët dhe pas marrjes në pyetje është vendosur që ata të hetohen në gjendje të lirë. Kjo është hera e dytë që procedohet djali i Fufit. Në vitin 2015 ai u kap me pistoletë në shkollë dhe u ndoq në gjendje të lirë, me byzylyk elektronik.
Njoftimi i policisë
Më datë 23.02.2017, u referuan materialet në Prokurorinë e Rrethit Gjyqësor Tiranë, për shtetasit Geri Mhill Fufi dhe Rino Nderim Spaho, të datëlindjes 27.12.199 e 16.06.1999, banues në Tiranë, me arsim 12 klasë, sepse më datë 22.02.2017, ora 13:00, përballë shkollës “Besnik Sykja” kanë goditur me grusht shtetasin D.A.S, i datëlindjes 17.12.2000, banues në Tiranë, me arsim 12 klasë në vazhdim. Ata akuzohen për rrahje dhe dënohen me gjobë .
