Ata sonte do të jenë në Tiranë për të performuar për publikun shqiptar në një nga klubet e kryqytetit. Bëhet fjalë për dyshen e sukseshme nga Kosova Dj Blunt dhe Real 1, të cilat janë duke shijuar momentalisht suksesin e këngës “Vera”. Si gjithnjë projektet tyre bëjnë zhurmë dhe kështu ndodhi edhe këtë herë, kur ata provokuan me dashurinë e dy vajzave lezbike.
Dj Blunt thotë për Opinion.al se kjo ishte thjesht një provokim dhe kaq.. Në fund të fundit “vera” t’i lejon sadopak “çmenduritë”…
Blunt na i sollët “verën” më shpejt edhe pse janë ngrohur shume temperaturat në territorin shqiptar. Si lindi ky projekt, di që ka qenë në planet tuaja të kahershme?
(Qesh) Po është e vërtetë që ky projekt ka filluar që vitin e kaluar dhe më në fund u përfundua me sukses.
Keni provokuar shumë edhe me çiftin e vajzave që keni përshirë në klip, pse kjo zgjedhje?
Të them të drejtën për këtë punën e vajzave ka qenë thjesht një ngacmim i vogël ose një provokim që u konkretizua edhe me figurën e Entermedias më pas (qesh).
Ç’mendim keni për këtë fenomen e paragjykoni dashurinë mes dy njerëzve të të njëjtit seks?
Unë nuk paragjykoj askënd! Është zgjedhje e secilit. Nuk kam asi lloj problemesh ose mendimesh për askënd!
Si djalë simpatik që je të ka ngacmuar ndonjëherë ndonjë djalë duke qene se shëtit shumë nëpër botë?
Jooooo WTF ç’është kjo pyetje???? Unë thashë që së s’paragjykoj askënd po unë personalisht s’kam të bëj me ato gjëra.
Për herë të parë më keni konfirmuar mua dhe Opinion. al se ti dheReal 1 nuk jeni ndare. Si po shkon bashkëpunimi juaj?
Bashkëpunimi me Realin është gjithmonë njëjtë dhe stabël. Ne e kemi biznes këtë gjë dhe jetojmë shume mirë prej kësaj pune, nuk kemi pse të prishim punë.
A të bëhet si pjesëtar i familjes një mik me të cilin ndan prej më shumë se 10 vitesh karrierën muzikore?
Pak a shumë po se janë më shume se 15 vite që punojmë bashkë.
Do të kemi një tjetër këngë nga ju për këte verë apo do ta stoponi me “Verën”?
Kënga dhe klipi i rradhës është në përfundim dhe shume shpejt do e nxjerrim gjatë sezonit veror.
Intervistoi :Suada Daci
