Sundimtari i Dubait, Mohammed bin Rashid al-Maktoum, u urdhërua të martën t’i paguajë më shumë se 640 milionë euro ish-gruas së tij dhe fëmijëve të tyre, çka përbën shumën më të lartë që është ofruar ndonjëherë nga një gjykatë britanike për një çështje divorci.
Kreu 72-vjeçar i qeverisë së Emirateve të Bashkuara Arabe do të duhet t’i paguajë 251.5 milionë £ (rreth 300 milionë euro) gruas së tij të gjashtë, Princeshës Haya Brint al-Hussein të Jordanisë, 47 vjeç, një shumë që do t’i paguhet brenda tre muajve, sipas një vendimi të publikuar të martën.
Sakaq, 290 milionë £ (më shumë se 340 milionë euro) do të shkojnë për të mbuluar shpenzimet e mirëmbajtjes dhe sigurisë për dy fëmijët e ish-çiftit, Al Jalila, 14 vjeç dhe Zayed, 9 vjeç “derisa ata të ndërpresin përkatësisht arsimin me kohë të plotë.
Së fundmi, ai duhet të paguajë 9.6 milionë funte për fëmijët brenda një muaji.
Princesha Haya Brint al-Hussein e Jordanisë ishte bashkëshortja më e re e sheikut Mohamed nga 6 gratë që ai ka, por divorci me të i ka kushtuar plot 640 milionë Euro 72-vjeçarit./Opinion.al
