Jeff Bezos dhe bashkëshortja e tij MacKenzie kanë arritur një marrëveshje për divorcin e tyre. Sipas asaj që raportohet në mediat amerikane, MacKenzie do të marrë disa aksione nga Amazon në vlerën e 35 miliardë dollarëve, por nuk do të ketë pjesë nga gazeta Washington Post dhe Blue Origin, dy biznese të tjera që drejtohen nga Jeff Bezos.
Aksionet që do të marrë janë sa 4% e totalit të aksioneve të Amazon, apo rreth 25% të atyre që zotëron Bezos, i cili do të vijojë të mbetet aksioneri kryesor i shoqërisë. Çifti deklaroi divorcin në muajin janar dhe që atëherë u deklarua se praktikat e divorcit do të zgjasnin rreth tre muaj. Ata janë njohur në vitin 1994, përpara se Bezos të themelonte Amazon./Opinion.al
