Ish-ministri i Jashtëm, Ditmir Bushati ka folur për mediat pas përfundimit të mbledhjes së kryesisë së PS.
Teksa ka folur në lidhje me tërheqjen e Valdrin Pjetrit nga posti i kryetarit të bashkisë së Shkodrës, Bushati deklaroi se ky rast shkon përtej një partie të caktuar.
Ish-ministri tha se në partitë politike është e nevojshme që të ketë një reformim të thellë, në mënyrë të shmangen raste të tilla. Ai tha se raste të tilla nuk mund të trajtohen me shkarkime në mas duke zhvendosur vëmendjen nga rrënjët e këtij fenomeni.
“Mendoj që tanimë kjo është një çështje që shkon përtej mureve të kësaj organizate. Ne jemi politikanë, jo gjyqtarë, por kemi përgjegjësinë për të hapur një debat dhe trajtuar rrënjët e këtij fenomeni. Që kanë lidhje me nevojën për reformë politike brenda familjeve politike. PS është dhe duhet të jetë partia e intelektit, progresit dhe komuniteteve. Përgjegjësia për të kaluarën e gjithsecilit është përgjegjësi individuale, ne na takon të themi edhe “na falni” për rastet në fjalë dhe për komunitetet e caktuara dhe të propozojmë reforma politike që ndërtojnë sisteme imunitare për një jetë tjetër politike. Kemi përgjegjësinë e madhe për të shfarosur këtë fenomen”,-tha Bushati./ Opinion.al E.Xh.
