Qytetarët në Spanjë iu drejtohen ditën e sotme kutive të votimit në zgjedhjet e përgjithshme. Këto janë zgjedhjet e katërta që realizohen në harkun kohor të katër viteve në Spanjë.
Kryeministri në detyrë, Pedro Sanchez dhe partia në pushtet, Partia Socialiste sipas sondazheve pritet të fitojnë më shumë vende në parlament, megjithatë mendohet se kjo parti nuk do të fitojë shumicën në Parlamentin me 350 vende.
Partia opozitare, Partia Popullore gjithashtu pritet që të fitojë vende në Parlament.
Vëzhguesit e Bashkimit Evropian do të shikojnë nga afër edhe partinë e ekstremit të djathtë Vox, e cila sipas sondazheve, pritet të dalë partia e tretë.
Vox fitoi 24 vende në zgjedhjet e mbajtura në prill,duke shënuar rezultati më të mirë zgjedhor për këtë parti. Disa sondazhe sugjerojnë se kjo parti mund të dyfishojë rezultatin në këto zgjedhje.
Partia Podemos dhe Ciudadanos gjithashtu marrin pjesë në këto zgjedhje.
