Dita e sotme është shpallur nga Presidenti Hashim Thaçi, ditë zie kombëtare në Kosovë në nder të këngëtares Nexhmije Pagarusha, e cila u nda nga jeta më 7 Shkurt 2020 në moshën 86-vjeçare.
Sipas legjislacionit në fuqi në Kosovë, këtë të diel flamuri shtetëror do të ulet në gjysmështizë në të gjitha institucionet e Republikës së Kosovës, brenda dhe jashtë vendit.
Homazhet për Pagarushën kanë nisur që ditën e djeshme (8 Shkurt 2020) hollin e Teatrit Kombëtar në Prishtinë.
Gjithashtu homazhe do të ketë edhe gjatë ditës së sotme ku do të nisin në hollin e e Teatrit Kombëtar në orën 11:00
Përcjellja për në banesën e fundit të ‘bilbilit’ të këngës, Nexhmije Pagarusha do të bëhet ditën e sotme (9 Shkurt) në orën 14:30 në fshatin Pagarushë të Malishevës, në një ceremoni familjare sipas amanetit të saj të fundit.
Homazhet për “Bareshën” do të vazhdojë edhe për dy ditë të tjera deri më datë 11.02.2020 në Teatrin Kombëtar në Prishtinë, nga ora 8:00 deri në 17:00./Opinon.al/
